വേളാപുരത്ത് അടിപ്പാത നേടിയെടുക്കാൻ പ്രവർത്തനങ്ങൾ വ്യാപിപ്പിച്ച് ആക്ഷൻ കമ്മിറ്റി.

വേളാപുരം: ദേശീയപാത നിർമാണത്തോടെ വഴിയടഞ്ഞ വേളാപുരത്ത് അടിപ്പാത നേടിയെടുക്കാൻ പ്രവർത്തനങ്ങൾ വ്യാപിപ്പിച്ച് ആക്ഷൻ കമ്മിറ്റി. രാഷ്ട്രീയത്തിനതീതമായി മുഴുവൻ നേതാക്കളെയും നേരിട്ട് ചെന്നുകണ്ട് നിവേദനം നൽകി. അടിപ്പാതക്കായി ആയിരത്തിലധികം പൊതുജനങ്ങളെയും രാഷ്ട്രീയ നേതൃത്വത്തെയും ഉൾപ്പെടുത്തി വാട്സ്ആപ് ഗ്രൂപ് ഒരുക്കിയാണ് ആശയവിനിമയവും ചർച്ചയും. വഴിതടസ്സം സൃഷ്ടിക്കുന്ന പ്രദേശത്തെ, മുഴുവൻ ജനങ്ങളെയും ഉൾപ്പെടുത്തി പ്രവർത്തനം സജീവമാക്കി. അതോടൊപ്പം ഒപ്പുശേഖരണവും തകൃതിയായി നടക്കുന്നുണ്ട്. കുറ്റിക്കോലിനും വളപട്ടണം പാലത്തിനും ഇടയിൽ നിലവിലുള്ള ദേശീയ പാതയിലെ ജനത്തിരക്കേറിയ പ്രധാന കേന്ദ്രമാണ് വേളാപുരം.

ഈ കവലയിൽനിന്ന് മാങ്കടവ് വഴി പറശ്ശിനിക്കടവിലേക്ക് എട്ട് ബസുകൾ സർവിസ് നടത്തുന്നുണ്ട്. നൂറുകണക്കിന് വിദ്യാർഥികൾ പഠിക്കുന്ന ആരോളി ഗവ. ഹയർ സെക്കൻഡറി സ്കൂൾ, നിരവധി ക്ഷേത്രങ്ങൾ, വില്ലേജ് ഓഫിസ്, പ്രൈമറി സ്കൂളുകൾ, നിർദിഷ്ട കല്ലൂരിക്കടവ് പാലം, ജനവാസ കേന്ദ്രമായ അരോളി, മാങ്കടവ്, ബഡ്സ് സ്കൂൾ എന്നിവിടങ്ങളിലേക്ക് പോകുന്ന പ്രധാന റോഡുകൾ കടന്നുപോകുന്നത് ഈ കവലയിലൂടെയാണ്.പ്ര​വൃ​ത്തി ന​ട​ന്നു​വ​രു​ന്ന വേ​ള​യി​ലെ ആ​ദ്യ​ത്തെ ഡി.​പി.​ആ​റി​ൽ വേ​ളാ​പു​ര​ത്ത് അ​ടി​പ്പാ​ത ഉ​ണ്ടാ​യി​രു​ന്നു. പി​ന്നീ​ട് അ​തെ​ങ്ങ​നെ ഒ​ഴി​വാ​യ​തെ​ന്നാ​ണ് നാ​ട്ടു​കാ​ർ ചോ​ദി​ക്കു​ന്ന​ത്. ക​ണ്ണൂ​ർ റീ​ച്ചി​ൽ ബ​ക്ക​ളം, കീ​ച്ചേ​രി ക​ഴി​ഞ്ഞാ​ൽ പാ​പ്പി​നി​ശ്ശേ​രി അ​മ​ലോ​ത്ഭ​വ ക്ഷേ​ത്ര​ത്തി​ന് മു​ൻ​വ​ശ​ത്താ​ണ് പ​ഴ​യ ദേ​ശീ​യ പാ​ത​യും പു​തി​യ പാ​ത​യും ചേ​രു​ന്ന കേ​ന്ദ്രം ഒ​രു​ങ്ങു​ന്ന​ത്. ക​ണ്ണൂ​ർ ഭാ​ഗ​ത്ത് നി​ന്ന് അ​രോ​ളി, മാ​ങ്ക​ട​വ് ഭാ​ഗ​ങ്ങ​ളി​ലേ​ക്ക് പോ​കേ​ണ്ട​വ​ർ കി​ലോ​മീ​റ്റ​റു​ക​ൾ താ​ണ്ടി കീ​ച്ചേ​രി​യി​ൽ​നി​ന്ന് മ​റു​ഭാ​ഗ​ത്തേ​ക്ക് ക​ട​ക്കേ​ണ്ടി​വ​രു​മെ​ന്നാ​ണ് ജ​ന​ങ്ങ​ളു​ടെ ആ​ക്ഷേ​പം.