കളഞ്ഞുകിട്ടിയ ഫോണും പണവുമടങ്ങുന്ന ബാഗ് ഉടമസ്ഥന് തിരിച്ചുനല്‍കി യുവാവ്

പള്ളിക്കുന്ന്: റോഡരികില്‍ നിന്ന് കളഞ്ഞു കിട്ടിയ മൊബൈല്‍ഫോണും പണവും അടങ്ങുന്ന ബാഗ് ഉടമസ്ഥന് തിരിച്ചുനല്‍കി യുവാവ് മാതൃകയായി.
പള്ളിക്കുന്ന് സ്വദേശി അനൂപ് ബാലനാണ് കണ്ണാടിപ്പറമ്പ് സ്വദേശിയായ സൈനുദ്ധീന് ബാഗ് തിരിച്ചുനല്‍കിയത്. കഴിഞ്ഞ ദിവസം റോഡരികില്‍നിന്നാണ് അനൂപ് ബാലന് ബാഗ് ലഭിച്ചത്. തുടര്‍ന്ന് ഉടമസ്ഥനെ കണ്ടെത്തി തിരിച്ചുനല്‍കുകയായിരുന്നു.