കണ്ണൂർ : കോർപറേഷൻ 2024-25 വാർഷിക പദ്ധതി മെച്ചപ്പെട്ട രീതിയിൽ നടപ്പിലാക്കുന്നതിനും, അടുത്ത വാർഷിക പദ്ധതിയിൽ പ്രത്യേക ഊന്നൽ നൽകേണ്ട വിഷയങ്ങളെ സംബന്ധിച്ച് വിശദീകരിക്കുന്നതിനും കണ്ണൂർ കോർപ്പറേഷനിലെ ജനപ്രതികൾക്ക് കില പരിശീലനം നൽകി. കാട്ടമ്പളളി കൈരളി റിസോർട്ടിൽ നടന്ന പരിശീലനം മേയർ അഡ്വ : ടി. ഒ. മോഹനൻ ഉദ്ഘാടനം ചെയ്തു. അജിത് കാളിയത്ത് അധ്യക്ഷത വഹിച്ചു. ഡെപ്യൂട്ടി മേയർ കെ ഷബീന ടീച്ചർ,ട്രെയിനിങ് കോ ഓർഡിനേറ്റർ കെ വിനീത്, ജനകീയാസൂത്രണം ജില്ലാ കോ ഓർഡിനേറ്റർ പി വി രത്നാകരൻ എന്നിവർ സംസാരിച്ചു.
പതിനാലാം പദ്ധതി ഊന്നൽ മേഖലകൾ, പദ്ധതി സമീപനവും മുൻഗണനാ മേഖലകളും ( പി എം ദേവരാജൻ ), നഗര മേഖലയിലെ പുതിയ സാധ്യതകൾ ( ഡോ. അജിത് കാളിയത്ത് ), പ്രാദേശിക സമ്പത്തീക വികസനവും നഗരസഭകളും, ( ഡോ. കെ രാജേഷ് ), മാലിന്യ മുക്ത നവകേരളം ഇടപെടേണ്ട മേഖലകളും തയ്യാറാകേണ്ട പദ്ധതികളും ( അഡ്വ. ടി എസ് സൈഫുദ്ധീൻ ) എന്നിവർ ക്ലാസ്സെടുത്തു.
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.