വീട്ടുമുറ്റത്ത് നിർത്തിയിട്ട ഓട്ടോ കത്തിച്ചു.

കണ്ണപുരം: ഓട്ടം കഴിഞ്ഞ് വീട്ടുമുറ്റത്ത് നിർത്തിയിട്ട ഓട്ടോ കത്തിച്ചു. പഴയങ്ങാടി ഓട്ടോസ്റ്റാൻ്റിലെ ഓട്ടോ ഡ്രൈവർതാവം പള്ളിക്കരയിൽ താമസിക്കുന്ന എം.ടി.പി. ജാസിറിൻ്റെ വീട്ടുമുറ്റത്ത് നിർത്തിയിട്ട കെ എൽ. 13.വി. 267 നമ്പർ ഓട്ടോയാണ് അഗ്നിക്കിരയാക്കിയത്.ഇന്ന് പുലർച്ചെ ഒരു മണിയോടെയാണ് സംഭവം.തീയും പുകയും ഉയർന്നതോടെ വീട്ടുകാർ ഉണർന്ന് നോക്കിയപ്പോഴെക്കും ഓട്ടോ പൂർണ്ണമായും കത്തിനശിച്ച നിലയിലായിരുന്നു. തുടർന്ന് കണ്ണപുരം പോലീസിൽ വിവരമറിയിക്കുകയും പരാതി നൽകുകയുമായിരുന്നു. കേസെടുത്ത പോലീസ് അന്വേഷണം തുടങ്ങി.