പഴയങ്ങാടിയിൽ
ചരക്കുലോറിയിടിച്ച് വയോധിക മരിച്ചു

പഴയങ്ങാടി രാമപുരത്ത് ചരക്ക് ലോറി ഇടിച്ച് വയോധികക്ക് ദാരുണാന്ത്യം.അതിയടം സ്വദേശി മഞ്ഞേരിവീട്ടിൽ ഭാർഗ്ഗവിയാണ് മരിച്ചത്. ഇന്നുച്ചയ്ക്ക്
12:30 ഓടെയാണ് അപകടം.
പിലാത്തറ-പഴയങ്ങാടി കെഎസ്ടിപി റോഡ് മുറിച്ച് കടക്കുമ്പോൾ ആണ് അപകടം. കർണാടകയിലെ ബെൽഗാമിൽ നിന്ന് പഞ്ചസാരയുമായി കൊച്ചിയിലേക്ക് പോകുകയാരുന്ന ചരക്ക് ലോറിയാണ് അപകടത്തിന് ഇടയാക്കിയത്.
രാമപുരം ശ്രീ മഹാവിഷ്ണു ക്ഷത്രത്തിലെ അന്നദാന ചടങ്ങിൽ പങ്കെടുത്ത് മടങ്ങുകയായിരുന്നു വയോധിക . ലോറിയുടെ അടിയിൽ കുടുങ്ങി പോയ വയോധികയെ പഴയങ്ങാടി,പരിയാരം പോലീസ് എത്തിയാണ് പുറത്ത് എടുത്തത്.
പയ്യന്നൂരിൽ നിന്ന് അഗ്നിശമന സേനയുടെ റിസ്‌ക്യൂ ടീമും അപകട സ്ഥലത്ത് എത്തിയിരുന്നു.അപകടത്തിൽപ്പെട്ട വയോധികയെ പിന്നീട് ബന്ധുക്കളെത്തിയാണ് തിരിച്ചറിഞ്ഞത്.
മൃതദേഹം കണ്ണൂർ ഗവ. മെഡിക്കൽ കോളേജ് മോർച്ചറിയിൽ.