മുറുക്ക് തൊണ്ടയില്‍ കുടുങ്ങി ഒന്നര വയസുകാരന്‍ മരിച്ചു.

ആലപ്പുഴ : ഭക്ഷണം തൊണ്ടയിൽ കുടുങ്ങി ഒന്നര വയസ് പ്രായമുള്ള കുട്ടി മരിച്ചു മാവേലിക്കര മാങ്കാംകുഴി മലയിൽ പടിറ്റത്തിൽ വിജേഷ് – ദിവ്യ ദാസ് ദമ്പതികളുടെ മകൻ വൈഷ്ണവ് (ഒന്നര) ആണ് മരിച്ചത്. രാവിലെ എട്ടരയോടെ മാങ്കാംകുഴിയിലെ ദിവ്യയുടെ വീട്ടിൽ ആയിരുന്നു സംഭവം. ബന്ധുക്കൾ കഴിച്ചു കൊണ്ടിരുന്ന മുറു ക്കിൻ്റെ ഒരു കഷ്ണം എടുത്ത് കഴിക്കുന്നതിനിടയിൽ കുഞ്ഞിൻ്റെ തൊണ്ടയിൽ കുടുങ്ങുകയായിരുന്നു. തുടർന്ന് കൊല്ലകടവിൽ ഉള്ള സ്വകാര്യ ആശുപത്രിയിൽ പ്രവേശിപ്പിച്ചുവെങ്കിലും കുഞ്ഞിൻ്റെ ജീവൻ രക്ഷിക്കാനായില്ല.