പാപ്പിനിശ്ശേരി : കെഎസ്.ടി.പി. റോഡിൽ വീണ്ടും അപകടം. കഴിഞ്ഞ ദിവസം രാത്രി റോഡരികിൽ സുഹൃത്തുക്കളോടൊപ്പം സംസാരിക്കുന്നതിനിടയിൽ അമിതവേഗത്തിലെത്തിയ ലോറിയിടിച്ച് യുവാവിന് ഗുരുതരമായി പരിക്കേറ്റു. പാപ്പിനിശ്ശേരി വെസ്റ്റ് പുതിയ കാവിന് സമീപത്തെ പി.പ്രയാഗി(29) നെ മംഗളൂരുവിലെ സ്വകാര്യ ആസ്പത്രിയിൽ പ്രവേശിപ്പിച്ചു.
രാത്രി ഒൻപതോടെയായിരുന്നു സംഭവം. ഉടൻ തന്നെ ചാലയിലെ സ്വകാര്യ ആസ്പത്രിയിൽ ചികിത്സ തേടിയ ശേഷമാണ് മംഗളൂരുവിലേക്ക് മാറ്റിയത്.