കണ്ണൂർ : എളയാവൂർ സി.എച്ച്. സെന്റർ വി.കെ. അബ്ദുൾ ഖാദർ മൗലവിയുടെ സ്മരണാർഥം ഐ.സി.യു. സംവിധാനമുള്ള ആംബുലൻസ് പുറത്തിറക്കി. പാണക്കാട് നൗഫൽ അലി ശിഹാബ് തങ്ങൾ എസ്.എൽ.പി. മുഹമ്മദ് കുഞ്ഞിക്ക് താക്കോൽ കൈമാറി ഉദ്ഘാടനംചെയ്തു. പൊതുസമ്മേളനം മേയർ ടി.ഒ. മോഹനൻ ഉദ്ഘാടനംചെയ്തു. ചെയർമാൻ സി.എച്ച്. മുഹമ്മദ് അഷ്റഫ് അധ്യക്ഷനായി. വ്യവസായ പ്രമുഖനും സാമൂഹിക ജീവകാരുണ്യരംഗത്തെ സാന്നിധ്യവുമായ ഡോ. എം.പി. ഹസ്സൻകുഞ്ഞിയെ ആദരിച്ചു. ഇൻകാസ് ദുബായ് ചാപ്റ്റർ നൽകുന്ന വാട്ടർ കൂളറും ഇൻകാസ് ഖത്തർ ചാപ്റ്റർ നൽകുന്ന ഇലക്‌ട്രോണിക് ഉപകരണങ്ങളും മേയർ ഏറ്റുവാങ്ങി.
പി.പി. വത്സലൻ, ഡോ. എം. മുഹമ്മദലി, പി.പി. സുബൈർ, ആബിദ് കണ്ണൂർ, കെ.എം. ഷംസുദ്ദീൻ, ഉമ്മർ പുറത്തീൽ, എം.കെ. മുഹമ്മദ് വിളക്കോട്, മെഹബൂബ് ചെറിയവളപ്പ്, മുഹമ്മദലി കൂടാളി എന്നിവർ സംസാരിച്ചു.