കണ്ണൂർ. മയക്കുമരുന്ന് കേസിൽഒളിവിൽ കഴിയുകയായിരുന്ന പ്രതി പിടിയിൽ. അഴീക്കോട് മൂന്നു നിരത്ത് സ്വദേശി സുബൈദ മഹലിലെ എം.റെനീസിനെ (26)യാണ് ടൗൺ പോലീസ് അറസ്റ്റ് ചെയ്തത്.ഇന്നലെ രാത്രി 11.30 മണിയോടെയാണ് പ്രതി പോലീസ് പിടിയിലായത്. ഒളിവിൽ കഴിയുകയായിരുന്ന പ്രതി നാട്ടിലെത്തിയിട്ടുണ്ടെന്ന രഹസ്യവിവരത്തെ തുടർന്ന് പോലീസ് നടത്തിയ പരിശോധനയിലാണ് പിടികൂടിയത്.കഴിഞ്ഞ മാസം 10.49 ഗ്രാം മാരക ലഹരിമരുന്നായഎംഡി എം എ പിടികൂടിയ കേസിൽ ഓടി രക്ഷപ്പെട്ട മൂന്നാം പ്രതിയാണ് പിടിയിലായത്. അറസ്റ്റിലായ പ്രതിയെ കോടതിയിൽ ഹാജരാക്കി.
