പഴയങ്ങാടി. നവകേരള സദസിൽ പങ്കെടുത്ത് മടങ്ങുകയായിരുന്ന മുഖ്യമന്ത്രിക്ക് നേരെ കരിങ്കൊടി പ്രതിഷേധം നടത്തിയ യൂത്ത് കോൺഗ്രസ് പ്രവർത്തകരെ ഒരു കൂട്ടം സി പി എം പ്രവർത്തകർ പോലീസ് സാന്നിധ്യത്തിൽ മൃഗീയമായി ആക്രമിച്ച സംഭവത്തിൽ പ്രതിഷേധിച്ച് കോൺഗ്രസ് പ്രവർത്തകർ നടത്തിയ സ്റ്റേഷൻ മാർച്ച് അക്രമാസക്തമായി. ബാരിക്കേഡ് തകർത്ത് സ്റ്റേഷനിലേക്ക് ഇരച്ചു കയറാൻ ശ്രമിച്ച പ്രവർത്തകർക്കു നേരെ മൂന്ന് തവണ പോലീസ് ജലപീരങ്കി ഉപയോഗിച്ചു.തുടർന്ന് പ്രവർത്തകർ റോഡ് ഉപരോധിച്ചു.നൂറു കണക്കിന് പ്രവർത്തകരാണ് മാർച്ചിനെത്തിയത്.മാർച്ച് ഡി സി സി പ്രസിഡണ്ട് മാർട്ടിൻ ജോർജ് ഉദ്ഘാടനം ചെയ്തു. പയ്യന്നൂർ പോലീസ് ഡിവിഷനിലെ സ്റ്റേഷനുകളിൽ നിന്നായി വൻ പോലീസ് സേനയെ സ്ഥലത്ത് വിന്യസിച്ചിരുന്നു.മാർച്ച് സ്റ്റേഷന് സമീപം പോലീസ് തടഞ്ഞിരുന്നു .
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.