കണ്ണൂർ : അനുവദിച്ച പരിഷ്കരണ കുടിശ്ശികയും ക്ഷാമബത്തയും നൽകാതെ കോടികളുടെ ധൂർത്ത് നടത്തുന്ന സർക്കാർ സർവീസ് പെൻഷൻകാരോട് കടുത്ത അനീതിയാണ് കാണിക്കുന്നതെന്ന് കേരള സർവീസ് പെൻഷനേഴ്സ് ലീഗ് ജില്ലാ കൗൺസിൽ അഭിപ്രായപ്പെട്ടു. സാമ്പത്തികപ്രതിസന്ധിയുടെ പേരിൽ തടഞ്ഞുവെച്ച മുഴുവൻ ആനുകൂല്യങ്ങളും ഉടൻ അനുവദിക്കണമെന്നും യോഗം ആവശ്യപ്പെട്ടു.
പ്രസിഡന്റ് കൊട്ടില മുഹമ്മദ് കുഞ്ഞി അധ്യക്ഷനായി. മുസ്ലിം ലീഗ് ജില്ലാ പ്രസിഡന്റ് അബ്ദുൽ കരീം ചേലേരി ഉദ്ഘാടനം ചെയ്തു. ടി.പി.അബ്ദുല്ല റിപ്പോർട്ട് അവതരിപ്പിച്ചു. ബഷീർ ചെറിയാണ്ടി, പി.സി.അമീനുല്ല, ടി.പി.അബ്ദുല്ല, എൻ.എ.ഇസ്മായിൽ, ഒ.പി.മുസ്തഫ, പി.സുലൈമാൻ, മുഹമ്മദലി മഞ്ചേരി, പി.റഷീദ, കെ.റഹൂഫ്, പ്രൊഫ. കെ.മഹമ്മൂദ് എന്നിവർ സംസാരിച്ചു.
ജില്ലാ ഭാരവാഹികൾ: കൊട്ടില മുഹമ്മദ് കുഞ്ഞി (പ്രസി.), എൻ.എ.ഇസ്മായിൽ (ജന. സെക്ര.), ഒ.പി.മുസ്തഫ (ഖജാ.).
വാർത്തകൾ തത്സമയം അറിയാൻ
നാറാത്ത്, കൊളച്ചേരി, ചിറക്കൽ, മയ്യിൽ, കുറ്റ്യാട്ടൂർ, വളപട്ടണം, കല്ല്യാശ്ശേരി, ചെറുകുന്ന്, പാപ്പിനിശ്ശേരി, കണ്ണപുരം, കുറുമാത്തൂർ, ചെങ്ങളായി, ഇരിക്കൂർ തുടങ്ങി ജില്ലയിലെ വിവിധ പഞ്ചായത്തുകളിലെയും മുനിസിപ്പാലിറ്റികളിലെയും കണ്ണൂർ കോർപറേഷനിലെയും വിശേഷങ്ങൾ തത്സമയം അറിയാൻ കണ്ണാടിപ്പറമ്പ് ഓൺലൈൻ ഫോളോ ചെയ്യൂ.