മട്ടന്നൂർ : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പ്രതിയെ മട്ടന്നൂർ പോക്സോ അതിവേഗ കോടതി 20 വർഷം തടവിനും ഒരുലക്ഷം രൂപ പിഴയ്ക്കും ശിക്ഷിച്ചു. അയ്യൻകുന്ന് ചരൾ സ്വദേശി ബാസ്റ്റിൻ എന്ന ദേവസ്യയെ (79)യാണ് പോക്സോ കോടതി ജഡ്ജി അനീറ്റ ജോസഫ് ശിക്ഷിച്ചത്. പിഴത്തുകയിൽനിന്ന് 90,000 രൂപ പെൺകുട്ടിക്ക് നഷ്ടപരിഹാരമായി നൽകണം.
2015-ൽ പേരാവൂർ പോലീസ് സ്റ്റേഷൻ പരിധിയിൽ നടന്ന സംഭവത്തിൽ ഇൻസ്പെക്ടർ എം.സജിത്താണ് കേസന്വേഷിച്ച് കുറ്റപത്രം സമർപ്പിച്ചത്. പ്രോസിക്യൂഷനുവേണ്ടി സ്പെഷ്യൽ പബ്ലിക്‌ പ്രോസിക്യൂട്ടർ പി.വി.ഷീന ഹാജരായി.